Protesta tek Gjykata e Lartë, Vocaj i kërkon Nokës lirimin e rrugës: S’keni marrë leje për bllokim

Drejtori i Policisë së Tiranës, Tonin Vocaj i ka kërkuar deputetit Flamur Noka që të lirojnë rrugën para Gjykatës së Lartë. Kjo pasi në kërkesën që është dorëzuar në Policinë e Tiranës nuk ka qenë e sanksionuar bllokimi i rrugës. Protesta do të zhvillohej në hapësirën e trotuarit, rreth parkut Rinia, pa penguar qarkullimin. Fillimisht është tentuar komunikim me përfaqësuesit e Rithemelimit përmes zv/drejtorit të Policisë së Tiranës, Luigj Vathi, sipas protokollit zyrtar dhe më pas vetë kryepolici Tonin Vocaj. Deri tani nuk ka dakordësi për hapjen e rrugës për të rikthyer qarkullimin.