Ka shkuar në mbi 40 numri i viktimave nga avioni që mori flakë në fluturim dhe që arriti të ulej në Moskë, në aeroportin Sheremetyevo.
Videot në rrjetet sociale tregojnë se si pasagjerët përdorin daljen e emergjencës për ti shpëtuar flakëve të avionit Aeroflot. Sipas mediave ruse mes atyre që humbën jetën ishin dhe dy fëmijë dhe një stjuardesë.
Njëe nga dëshmitarët tha se ishte një mrekulli për këdo që shpëtoi nga avioni që kishte 73 pasagjerë dhe pesë pjestarë të ekuipazhit.
“Janë 37 të mbijetuar, 33 pasagjerë dhe katër anëtarë të ekuipazhit” tha zyrtarja e komitetit hetues, Yelena Markovskaya. Pesë persona janë në spital. Aeroflot, kompania kombëtare ruse thotë se avioni ishte detyruar të bënte ulje në aeroport për arsye teknike, por nuk ia doli dot. Disa fluturime janë devijuar në aeroporte të tjera.