Ministri i Brendshëm Taulant Balla ka urdhëruar inspektim në shkallë vendi për orientimin e zbatimit të politikave të veprimtarisë së shërbimit të mbrojtjes nga zjarri dhe shpëtimin.
Inspektimi në të gjithë vendin do të bëhet për rritjen dhe garantimin e sigurisë publike nga zjarri dhe shpëtimi.
Drejtoria e Përgjithshme e Mbrojtjes nga Zjarri dhe Shpëtimin në Ministrinë e Brendshme, njësitë e MZSH-së në çdo bashki, Inspektorati Kombëtar për Mbrojtjen e Territorit dhe inspektoratet e mbrojtjes së territorit në çdo bashki janë udhëzuar sot të kontrollojnë prej nesër dhe në mënyrë periodike masat.