300 mijë persona aplikuan për azil në Gjermani

351,915 është numri i personave që kërkuan azil në Gjermani në 2023, kjo një rritje prej 51.1% krahasuar me një vit më parë. Sipas Zyrës Federale gjermane për Migracionin dhe Refugjatët, numri më i madh i azilkërkuesve erdhi nga Siria, me 104,561 aplikime, të ndjekur nga shtetasit turq me 62,624 kërkesa për azil dhe 53,582 afganë. Migrimi është bërë një problem i madh politik për qeverinë dhe një temë e nxehtë në Gjermani pasi komunitetet lokale po përpiqen të strehojnë shumë të ardhur.