Mbrëmjen e së martës, persona të armatosur të maskuar hynë në një studio televizive live në Ekuador dhe kërcënuan stafin e tmerruar. Banda e armatosur hyri në studiot televizive gjatë transmetimit live të kanali televiziv publik TC në qytetin e Guayaquil, përpara se transmetimi të ndërpritej.
Një person i armatosur drejtoi një armë gjahu në kokën e njërit prej robërve, i cili gjithashtu u kërcënua me një revole. Një kameraman u qëllua në këmbë dhe një tjetri u thye krahu gjatë sulmit.
Të paktën 10 persona janë vrarë që nga fillimi i gjendjes së jashtëzakonshme 60-ditore në Ekuador të hënën. Urgjenca u shpall pasi një baron droge u arratis nga qelia e burgut.
Është e paqartë nëse incidenti në studion televizive në Guayaquil lidhej me zhdukjen nga burgu në të njëjtin qytet të bosit të bandës Choneros, Adolfo Macías Villamar ose Fito.