Një adoleshent është arrestuar, pasi ka terrorizuar banorët e fshatit Stojan në Mat, duke lëvizur në rrugë me një armë gjahu.
Gjatë operacionit, 17-vjeçari ka tentuar ta fshehë armën e gjahut në tavanin e banesës së shokut të tij. Për të ka nisur hetimi penal në gjendje të lirë për shkak të moshës, ndërsa është sekuestruar arma e gjahut dhe municioni luftarak që ai posedonte.
“Falë informacioneve të siguruara nga bashkëpunimi me qytetarët, për një shtetas të mitur, i cili lëvizte në rrugët e fshatit Stojan, me një send në duar në dukje si armë gjahu duke shkaktuar panik tek banorët, është organizuar dhe finalizuar operacionin policor i koduar “Stojani”, për kapjen e tij. Në përfundim të veprimeve të para herimore, specialistët për Hetimin e Krimeve të Komisariatit të Policisë Mat, nisën procedimin penal në gjendje të lirë, për shkak të moshës për shtetasin O.C., 17 vjeç, banues në fshatin Stojan, për veprën penale “Prodhimi dhe mbajtja pa leje e armëve të gjuetisë dhe sportive’.”