33-vjeçari Erjon Pelivani që prej vitesh përdhunonte të miturën në Greqi, hynte dhe dilte lirshëm nga banesa e saj. Duke e konsideruar njeri të familjes, babai i saj, 50-vjeçari Fatmir Tarellari nuk e kishte kuptuar se Erjoni ngacmonte dhe abuzonte seksualisht me vajzën.
“33-vjeçari kishte akses në banesë. Përdhunimet kanë ndodhur brenda shtëpisë. Në momentin që po ndodhnin këto ngjarje, në shtëpi ndodhej edhe vëllai i vogël i vajzës, i cili në atë kohë ishte 4-vjeç. Prindërit ndodheshin në punë”, tha avokati Michalis Synodinos për SKAI-n.
Lexo edhe :
Related Posts
Sipas rrëfimit që vajza dyshohet se i ka bërë të atit, ajo është ngacmuar që në moshën 9-vjeçare, ndërsa përdhunimet kanë ndodhur nga mosha 12 deri në 14 vjeç. Më pas, ai e shantazhonte me video dhe i kërkonte para, në të kundërt do të zbulonte gjithçka. Avokati i babait 50-vjeçar tha se vajza u kishte treguar motrave të saj për ngacmime seksuale, por jo përdhunime dhe nuk kishte përmendur emrin e personit.
Avokati shpjegoi se klienti i tij është pyetur të hënë në mëngjes për paratë e qirasë së vajzës. Pas një bisede me vajzën e tij ai mësoi për përdhunimet dhe shantazhet, por vajza sërish nuk tregoi autorin. Babai duke pyetur me këmbëngulje vajzën, mësoi se autor ishte kunati, vëllai i bashkëshortes dhe njerkës së vajzës dhe menjëherë thuri planin për ta vrarë.