Një zjarr i madh përfshiu pak minuta më parë disa shtëpi banimi në lagjen “Pjetër Budi” Burrel, në vendin e quajtur ish Ndërmarrja e Grumbullimit Mat.
Zjarrëfikësit e bashkisë, të ushtrisë, efektivë të policisë, punonjësit e emergjencave civile dhe punonjës e drejtues të bashkisë Mat kanë mbërritur në kohë rekord në vendin e ngjarjes dhe kanë ndërhyrë për shpëtimin e qytetarëve si dhe shuarjen e shpejtë të zjarrit.
Burime pranë Policisë bënë me dije se ende nuk janë përcaktuar shkaqet e zjarrit, por po hetohet rreth ngjarjes së rëndë.
Bashkia Mat po merr masa për sistemimin e banorëve të mbetur në qiell të hapur në këto netë të fohta dimri.