Heidi Baci, protagonistja e edicionit të fundit të Grande Fratello në Itali, e cila u largua nga loja pas 40 ditësh si pasojë e ardhjes së babait të saj në shtëpi, është konkurrentja e re e edicionit të tretë të Big Brother Vip Albania, shkruajnë mediat italiane.
”Babai im hyri brenda dhe më bëri të kuptoj shumë gjëra në atë moment. Me vullnetin tim të lirë vendosa të largohem nga programi. Familja ime është më e rëndësishme për mua. Unë hyj në Big Brother single (beqare) dhe le të shohim se si do të përfundojë.
Shqipëria është origjina ime dhe më pëlqen shumë. Për gjithë këto vite larg nuk kam mundur ta njoh mirë botën e argëtimit shqiptar. Por është edhe më mirë sepse do ta njoh më mirë dhe objektivisht kush jam pa u ndikuar. Unë mendoj se do të shkoj larg, shpresoj që njerëzit të më pëlqejnë”, ishte ky prezantimi i klipit të Heidit.