Dhjetëra forca policie dhe FNSH të Shkodrës kanë bastisur një banesë në orët e para të mëngjesit të se hënës në fshatin Shtoj i vjetër.
Siç raporton”Euroenws”, ata kanë ushtruar kontroll në orën 05:00 në banesën e shtetasit Eliger Hato i cili është vëllai i Eljon Hatos një emër i njohur për drejtësinë dhe lidhjet me Ervis Martinaj.
Forcat e Ndërhyrjes së Shpejtë kanë vrarë disa qen të shtëpisë gjatë kontrollit të banesës.
Objekt i kontrollit, sipas burimeve, ka qenë kapja e Eljon Hatos, i shpallur në kërkim nga SPAK.
Qentë dyshohet se i janë vërsulur punonjësve të policisë. Raportohet se ky është kontrolli i disatë që bëhet në banesën e vëllait të Eljon Hatos.