Klaudia Lata, është një nga katër shqiptaret që humbën jetën në një aksident hekurudhor në Larisa të Greqisë në mars të 2023, dhe një rrugë në Greqi do të mbajë emrin e saj.
Rruga ku u rrit në zonën Nea Smirni, afër kishës së Shën Dhimitrit në Larisa do mbajë emrin e saj. Propozimi është bërë me vota unanime nga Komisioni për Emërtimin e Rrugëve për riemërimin e rrugës “Solona” në emrin “Rruga Lata” dhe do të kalojë për miratim në Këshillin Bashkiak të Larisas që pritet të mblidhet ditën e sotme.
Klaudia ishte një studente ekselente e mjekësisë në në universitetin Aristotelis të Selanikut. Klaudia humbi jetën pas përplasjes së së trenave në Tempi duke u kthyer nga karnavali i Patrës në Selanik. Atë ditë prindërit e saj i kishin kërkuar që të ndalonte në Larisa dhe të çmalleshin, por e reja kishte refuzuar dhe donte të shkonte menjëherë në Selanik për të studiuar.