Një 39-vjeçar nga Fushë Kruja është arrestuar ditën e sotme nga policia pasi ka thyer masën e sigurisë “arrest në shtëpi”.
Në pranga ka rënë shtetasi me iniciale A.K, i cili ishte lënë në arrest shtëpie për posedim dhe prodhim armësh, si dhe drejtim mjeti në mënyrë të parregullt.
Blutë bëjnë me dije se i riu është kapur këtë të mërkurë në Himarë.
“Specialistët për Hetimin e Krimeve të Komisariatit të Policisë Himarë kapën shtetasin A. K., 39 vjeç, banues në Fushë Krujë, pasi është kapur nga shërbimet e Policisë, jashtë banesës, duke thyer masë e sigurisë “Arrest në shtëpi”, që i kishte caktuar Gjykata, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Drejtimi i automjeteve në mënyrë të parregullt”,- njofton Policia.
39-vjeçari iu dorëzua shërbimeve të Komisariatit të Policisë Fushë Krujë, për veprime të mëtejshme procedurale.”