Shkëmbi bie mbi banesë dhe i zë këmbët 25-vjeçarit. I riu dërgohet me urgjencë në spital

Mëngjesin e kësaj të hënëe, një ngjarje e rëndë ka ndodhur në fshatin Çarçovë në Përmet. Një masiv shkëmbor ka rrëshqitur nga mali dhe ka rënë mbi një banesë, duke bllokuar një 25-vjeçar. Dhimitër Vangjeli ka qenë i shtrirë në krevat, kur shkëmbi ka rënë mbi banesën e tij dhe i ka zënë këmbët. Ai ka mbetur i bllokuar dhe kanë qenë forcat efektive dhe zjarrfikësit që kanë bërë të mundur nxjerrjen e ti. I riu është dërguar me urgjencë në spital, ndërsa ende nuk dihet gjendja e tij shëndetësore.