Policia e Tiranës ka zbardhur detaje rreth ngjarjes së rëndë, ku si pasojë e rënies së një skele, u plagosën dy kalimtarë. Babë e bijë ndodhen në spital në kujdesin e mjekëve. Policia informon se ka shoqëruar në polici inxhinieri dhe dy punëtorë e pallatit.
NJOFTIMI I POLICISE
Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe. Dy të dëmtuarit ndodhen në spital, në kujdesin e mjekëve. Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale.