Gazetari dhe analisti Albert Musliu në një intervistë televizive foli rreth situatës në Republikën e Maqedonisë së Veriut.
Pritet që ditën e enjte, qeveria të dorëhiqet për t’i hapur rrugën një qeverie teknike. Pikërisht për të folur për mënyrën se si kjo qeveri teknike do të funksionojë foli edhe analisti Musliu.
“Është një proces që do të zhvillohet dhe do të vazhdojë. Zgjedhja e qeverisë së re është e kufizuar kështu që më 28 janar në orën 12 e natës do duhet të votohet qeveria e re. Besoj se ai proces do të realizohet pa ndonjë ndërprerje.
Nga ana tjetër për ne shqiptarët është moment historik. Për herë të parë në krye të këtij institucioni do të vendoset një shqiptar. Besoj se kjo edhe për qytetarët maqedonas do të shtyjë disa përshtypje që kanë pasur në të kaluarën. Kjo është qeveria e 100 ditëshit e para zgjedhjeve që do të vlejë deri në zgjedhjen e qeverisë së re”, tha analisti.