Pas vizitës për herë të parë në SPAK, ditën e djeshme, Sali Berisha është në një tjetër sfidë. Sot në Apelin e Posaçëm do të zhvillohet seanca për ankimin e Sali Berishës për masën ”arrest shtëpie”, si edhe përjashtimin e Irena Gjokës nga çështja e tij, gjyqtares që ka caktuar masën e sigurimit personal ndaj ish-kryeministrit.
Seanca pritet të nisë në orën 09:00 dhe kërkesa e ish-kryeministrit do të shqyrtohet nga gjyqtarja e Apelit të Posaçëm, Ilirjana Olldashi. ”Liria” e Berishës është në dorën e gjyqtares Olldashi, e cila liroi nga qelia dhëndrin e tij, Jamarbër Malltezi.
Gjyqtarja Olldashi është në konflikt interesi pasi në vitin 2015 ka blerë apartament në një nga 19 kullat e kompanisë në hetim “Homeplan” ku aksioner është edhe Malltezi, të cilin më herët e liroi nga paraburgimi dhe e çoi në shtëpi.