Edhe këtë të premte ka vijuar i njëjti skenar nga opozita, duke bllokuar mbledhjen e Komisionit të Reformës Zgjedhore. Në sallë si herën e parë, edhe sot mungoi bashkëkryetari Enkelejd Alibeaj nga PD-ja e Bashës.
Deputetët e Rithemelimit shkuan më herët në ambientet ku do mbahej mbledhja dhe u ulën në vendet që ishin parashikuar për anëtarët e mazhorancës në këtë komision. Ata ndezën sërish zhurmuesen, teksa debate ka pasur mes Luan Baçit, Ervin Salianjit dhe bashkëkryetarit të komisionit, Damian Gjiknuri, i cili mbeti në këmbë pasi vendin e tij e kishte zënë Albana Vokshi.
Lexo edhe :
Related Posts
Pasi qëndruan për disa minuta në sallë, deputetët e mazhorancës, anëtarë të komisionit, zgjodhën të dilnin prej saj, në pamundësi për të vijuar normalisht punën.
Një ditë më parë, opozita e drejtuar nga Berisha dorëzuan një kërkesë në Kuvend të nënshkruar nga 47 deputetë me anë të së cilës kërkojnë ndryshimin e bashkëkryetarit të komisionit të reformës zgjedhore.
Komisioni i Reformës Zgjedhore do të mblidhet online në orën 12:00. Pasi deputetët e Berishës dhe Bardhit bllokuan sallën, Komisioni është zhvendosur online.