Me 10 vite burg është dënuar ish-kryeministri pakistanez Imran Khan, me akuzën e nxjerrjes së sekreteve shtetërore. Khan po vuan një dënim prej tre vitesh burg pasi u dënua për korrupsion. Ai i ka quajtur të motivuara politikisht të gjitha akuzat ndaj tij.
Prokuroria tha se veprimet e zotit Khan përbënin zbulimin e një dokumenti të klasifikuar dhe dëmtimin e marrëdhënieve diplomatike. Akuza e fundit mund të çojë në burgim të përjetshëm apo edhe me vdekje.
Çështja është dëgjuar gjatë muajve të fundit në një gjykatë speciale të ngritur brenda burgut ku z. Khan është mbajtur që nga gushti. Zgjedhjet e përgjithshme do të mbahen më 8 shkurt, mes akuzave se PTI po pengohet nga autoritetet të bëjë fushatë. Zoti Khan po lufton shumë çështje të tjera ligjore.