Mbështetësit demokratë, të liderit të opozitës, Sali Berisha, janë mbledhur edhe këtë të dielë në protestë në rrugën “Mustafa Matohiti”, e njohur ndryshe si “Rruga e Salës”.
Për të disatën herë radhazi, ata kundërshtojnë masën e arrestit të shtëpisë të vendosur nga GJKKO ndaj ish-kryeministrit.
Berisha prej datës 30 dhjetor 2023 ndodhet në “arrest shtëpie”. Gjykata e Posaçme pranoi kërkesën e SPAK për ashpërsimin e masës së sigurisë dhe ndalimit të komunikimit për ish-kryeministrin Sali Berisha. Avokati i Berishës e cilësoi ndalimin e komunikimit si privim të lirisë për një deputet.