Kryeministri Edi Rama, mëngjesin e sotëm e nisi me pamje magjike nga fluturimi i flamingove mbi lagunën e Nartës, një nga zonat e mbrojtura me diversitet të lartë shpendësh në vendin tonë.
Pamjet tregojnë se edhe laguna e Nartës është vend i preferuar për zogjtë që folezojnë aty. Flamingot me elegancën e tyre dhe ngjyrat e bukura i japin hijeshi peizazhit të lagunës.
Laguna e Nartës, një ndër lagunat më të mëdha në vendin tonë, ndodhet në veri-perëndim të qytetit të Vlorës. Dunat gjenden në perëndim të lagunës, në brezin ranor që ndan lagunën me detin. Ato janë një grup dunash ranore, të formuara nga veprimi i erës, një nga ekosistemet me vlera të mëdha natyrore, të konsideruara si monument natyre.