13-vjeçarja e cila u përdhunua në grup nga 7 adoleshentë në një tualet publik në Itali, ka shkaktuar reagime të forta në Itali. Adoleshentët e moshës nga 15-19 janë nga Egjipti dhe e përdhunuan 13-vjeçaren para syve të të dashurit 17-vjeçar në parkun Villa Bellini në Catania të Siçilisë pasditen e 30 janarit. Pas zbulimit të makthit që përjetoi 13-vjeçarja, zëvendëskryeministri i Italisë, Matteo Salvini bën thirrje për tredhje kimike të autorëve të sulmit brutal ndaj të miturës.
“Vajza u përdhunua nga një grup prej shtatë egjiptianësh. Një kurë mund të ekzistojë: kastrimi kimik”, tha Salvini. Kastrimi i njohur ndryshe nga populli si tredhja nuk kryhet pa kirurgji. Mjekët tregojnë se kastrimi kryhet më anë të një injeksioni me ilaçe të ndryshme, që në mënyrë efektive nuk mund të kryesh marrëdhënie seksuale.
Duke përshkruar atë që ka kaluar nga duart e shtatë autorëve, 13-vjeçarja tha: Dy prej tyre më kapën mua dhe të tjerë të dashurin tim. Dhe na çuan në tualet. Ishte një makth, aty nuk kishte njeri në atë moment. 13-vjeçarja tha se po përpiqej të arratisej së bashku me të dashurin e saj, por nuk ia dolën dot pasi ishin shtatë dhe ishin vetëm dy.