Kreu i grupit parlamentar të PD-së, Gazment Bardhi ka reaguar pas seancës së djeshme që zgjati vetëm 15 minuta, për shkak të skenarit të bllokimit. Në një konferencë për mediat nga Kryesia e Kuvendit, Bardhi hedh akuza se Kuvendi është kthyer në një institucion të Edi Ramës. Ai thotë se kryetarja e Kuvendit me urdhër të Ramës pengon vendimin e Kushtetues për Olta Xhaçkën.
“Ka marrë vendimin për të asgjësuar shtetit, jam sot këtu për ti kujtuar se do të na ketë përballë. Kush mendon se arroganca zgjidhet me fjalë e ka gabim. Beteja është për qytetarët, jo për vendin tonë. Kuvendi ka degraduar deri në pikën ku fut vendimet e Kushtetueses në xhep. I shpërfill injoron vendimet e Kushtetues. Kryetarja e Kuvendit me urdhër të Ramës pengon vendimin e Kushtetues për Olta Xhaçkën”, tha Gazment Bardhi.
Lexo edhe :
Related Posts
I pyetur nga gazetarët nëse opozita do të votojë Amnistinë Penale, pasi qeveria njoftoi se do të përfshijë edhe propozimet e opozitës për zgjerimin e personave përfitues, Bardhi tha se një gjë e tillë nuk do të ndodhë deri në momentin që parlamenti t’i rikthehet normalitetit.
“Së pari, para se të shkojmë në votimin e ligjeve konsensuale ku Amnistia ka qenë e tillë, Parlamenti duhet t’i rikthehet normalitetit dhe kjo po pengohet nga refuzimi që mazhporanca bën ndaj kërkesave të opozitës. Ne e mbështesim Amnistinë Penale, ka qenë traditë e gjatë kur është votuar në mënyrë konsensuale, por para se të shkojmë në këtë fazë, pra të bëjmë një konsensus të rremë, do duhet t’i rikthehemi shinave të kushtetutshmërisë. Ngritja e Komisioneve Hetimore është funksion kushtetues i Kuvendit”,-tha Bardhi.