Operacion i madh ndërkombëtar në Ekuador dhe Spanjë për goditjen e një organizate kriminale të trafikut ndërkombëtar të kokainës dhe pastrimin e parave. Pas 2 vite e gjysmë hetime, u arrit të goditej organizata e drejtuar nga shqiptari Dritan Gjika nga Shkodra, i lidhur me Ruben Cherres, shoku i kunatit të ish-presidentit të Ekuadorit, Guillermo Lasso.
Gjatë orëve të para të mëngjesit të sotëm, janë kryer 57 kontrolle në Ekuador dhe Spanjë në kuadër të operacioneve “Pampa” dhe “Gran Fenix 13”. Në Ekuador u ndërhy në Guayas, El Oro, Santa Elena, Cotopaxi, Pichincha dhe Azuay, ndërsa në Spanjë në Barcelona, Málaga, Marbella and Valencia. Në total janë arrestuar 30 persona, 12 prej të cilëve në Spanjë. Të arrestuarit janë ekuadorianë, spanjollë, argjentinas, kolumbianë dhe kinezë.
Ata dyshohen për 11 ngjarje ku në Ekuador dhe vende të ndryshme europiane janë sekuestruar 2.3 ton kokainë. Gjatë operacionit në Spanjë janë sekuestruar 450 mijë euro. Në total janë seluestruar edge 10 armë, 25 automjete dhe celularë sipas Prokurorisë së Ekuadorit. Autoritetet identifikuan modus operandi të kësaj organizate kriminale të dedikuar ndaj trafikut të drogës, me në krye Dritan Gjikën i cili hyri në Ekuador në nëntor 2009.
Dritan Gjika është hetuar prej vitesh nga Policia. Vazhdimi përfundoi në çështjen León de Troya, e cila përfshin Danilo Carrera, kunati i Presidentit Lasso, i cili dyshohet se menaxhonte poste publike, me bashkëpunimin e mikut të tij Rubén Cherres.
Sipas hetimeve, kjo organizatë kriminale porosiste kokainë nga laboratorët e prodhimit të kokainës në Kolumbi dhe koordinonte shitjen në Evropë. Droga mbërriti nga Kolumbia në Ekuador, ku kontaminoi kontejnerët e bananeve për t’u dërguar në Belgjikë, Holandë, Turqi dhe Shqipëri. Sipas hetimeve, kjo organizatë përdorte persona fizikë dhe juridikë për blerjen e pasurive të luajtshme dhe të paluajtshme dhe pastrimin e parave nga trafiku i drogës.