Agjencia Kombëtare e Pyjeve në bashkëpunim me bashkitë, po vijojnë aksionin për pyllëzimin. Kryeministri Edi Rama, thotë se në Mat u mbollën 1500 fidanë pishe të zezë, ndërsa do të pyllëzohen edhe 5 hektarë të tjerë.
“Vazhdojmë me pyllëzimet nën koordinimin e Agjencisë Kombëtare të Pyjeve dhe me angazhimin e bashkive që çdo ditë bëhen pjesë e kalendarit të Vitit të Pyjeve. 1500 fidanë pishë e zezë u mbollën në Muzhakë të Matit, një bashki që do të pyllëzojë edhe 5 hektarë të tjerë”, u shpreh Rama.
Gati 2/3 e territorit të vendit janë pyje dhe kullota dhe 80% e tyre janë pronësi e bashkive. Viti i Pyjeve është shpallur nga Ministria e Turizmit dhe Mjedisit si një vit me fushata pyllëzimi, por edhe edukimi dhe ndërgjegjësimi për qytetarët.