Kreu i grupit parlamentar të PD-së, Gazment Bardhi i cili sot qëndroi në oborrin e Parlamentit pasi është një nga 23 të përjashtuarit, thotë se përjashtimet ndaj deputetëve të opozitës janë bërë me urdhër politik. Ai i bën thirrje PS-së dhe Nikollës që të rishohin kërkesat e tyre për Komisionet Hetimore dhe masat e ndëshkimit.
“Pavarësisht se me një urdhër të paligjshëm deputetët e opozitës nuk u lejuan në sallë, edhe pse nuk kanë kryer asnjë shkelje të rregullores si një tentativë për të formalizuar përjashtimin de facto të opozitës. Grupi i PD vijoi aksionin për t’i shpjeguar shqiptarëve që ky nuk është kuvend normal, sa kohë opozitës i mohohen të drejtat nuk mund të ketë një falsitet në Kuvend sa kohë shkelet rregullorja dhe Kushtetuese. Apeloj mazhorancën, Nikollën që të rishohë pozicionin e saj së pari sa i përket kërkesave të opozitës dhe të heqë dorën nga masat që tentojnë të shtypin opozitën, përmes përjashtimit të deputetëve”, tha Bardhi.
Lexo edhe :
Related Posts
Nga ana tjetër, ai nuk përjashton as grevën e urisë, apo ngujimin. ”Kemi diskutuar në mbledhjen e grupit opsionet e mundshme të aksionit. Secili ka shprehu gatishmërinë për të shkuar në kat përshkallëzimi përfshirë ngujimin apo grevën e urisë”.
Bardhi komentoi edhe pjesëmarrjen e Bashës sot në seancë, pasi u paraqit në orën 09:00. ”Ndjej keqardhje që një pjesë e opozitës i ishin përgjigjur për të shkuar në orën 9. Po e bëjmë këtë betejë që t’i kthehemi parlamentit, nuk kërkojmë asnjë favor, kërkojmë të kthejmë normalitetin në Kuvend duke zbatuar kushtetutën dhe rregulloren. Deputetët e opozitës nuk janë si një fasadë ndaj regjimit të Edi Ramës. Në vitin e ardhëm Shqipëria të ketë zgjedhje të lira”.