Një person është plagosur me armë zjarri në Shkodër. Sipas hetimeve paraprake të policisë, i lënduari V.B., 54 vjeç është vetëplagosur aksidentalisht teksa pastronte një armë gjahu.
54-vjeçari është transportuar në spital, ku po merr ndihmë mjekësore.
“Rreth orës 16:10, në fshatin Kosmaç, Vau i Dejës, dyshohet se është dëmtuar aksidentalisht, duke pastruar një armë gjahu që e mbante me leje, shtetasi V. B., 54 vjeç, i cili është dërguar në spital, për ndihmë mjekësore. Arma e gjahut është sekuestruar në cilësinë e provës materiale. Grupi hetimor ndodhet në vendngjarje dhe po punon për sqarimin e rrethanave të rastit”, njoftoi policia.