Bashkimi i grupit të Bardhit me të Rithemelimit në PD, do të shihet në protestën e 20 shkurtit. Dje për herë të parë pas 2 vitesh, Gazment Bardhi dhe grupi i tij shkuan në selinë blu që e ka në dorë Sali Berisha. Kështu që nga nesër mund të nisin takimet në bazë të Nokës dhe Bardhit, takime që pritet të nisin nga Malësia e Madhe.
Kreu i grupit parlamentar të PD-së, Gazment Bardhi ka publikuar në facebook, posterin e protestës. Në poster bëhet thirrje për pjesëmarrje në orën 17:30 në protestën që do mbahet në bulevardin ”Dëshmorët e Kombit”. Motoja e protestës do të jetë ‘O sot, o kurrë’. Ajo zhvillohet në kuadër të fushatës: Opozita në aksion.
Arsyet për të cilat do të mbahet kjo protestë: Dili zot vetes familjes dhe Shqipërisë. Vjedhja e shekullit me sterilizimit, inceneratorët, Porti i Durrësit, vjedhje me punët publike, vjedhje me PPP, vjedhje për luks, Skandali i shekullit Rama-McGonigal, drejtësia e korruptuar, kryeministri i korruptuar akuzat e Ahmetaj, shkatërrimi i drejtësisë, arsimit, pluralizmit, fermerët, pensionistët, studentët e harruar.
Që pas ditës së djeshme me bashkimin e deputetëve të Bardhit me Berishën, është duke u diskutuar mundësia që dy deputetë të Bashës t’i bashkohen grupimit të Rithemelimit.