Ndonëse shpalli “non grata” Sali Berishën dhe ky i fundit ngriti një padi për shpifje ndaj Sekretarit Amerikan të Shtetit, Rithemelimi e pranon që vizita e Antony Blinken në vendin tonë është shumë e rëndësishme.
Në një reagim në rrjetet sociale, deputeti i Sali Berishës Tritan Shehu thotë se vizita e drejtuesit të diplomacisë së SHBA me rëndësi jo vetëm për Shqipërinë por edhe për rajonin.
“Blinken, vizitë shumë e rëndësishme për Shqipërinë e Rajonin. E drejtuesit të diplomacisë së partnerit tonë kryesor gjeo-politik, kampionit të demokracisë e vlerave, SHBA. Veçanërisht e tillë kjo në momente të rrezikshme për rajonin plot interferenca nga lindja, që sjell pasoja në forcimin në rajon të autokracive që shkatërrojnë parlamentarizmin e emërojnë opozitën”, shkroi deputeti Shehu.
