Gazment Bardhi dhe grupi i tij u bashkua të hënën zyrtarisht me PD e Rithemelimit të drejtuar nga Sali Berisha, edhe pse ai do të donte që partia të kishte një lidership dhe fizionomi tjetër.
Në një intervistë televizive, Bardhi foli hapur se cila ishte zgjidhja maksimale që, sipas tij i duhej PD. Dhe zgjidhja nuk përfshin zotin Berisha në krye të PD. “Një lidership i ri PD, një organizim tërësor i PD, një ekip dhe alternativë e shpallur 1 apo 2 vite përpara zgjedhjeve” tha Bardhi.
“Faza e zgjidhjes maksimale ka kaluar dhe gjykuam se nuk duhet humbur më kohë me atë që ka ndodhur në PD. Tani duhet të shohim drejt së ardhmes, të paraqesim alternativën tonë tek demokratët dhe të fitojmë besimin e shumicës së qytetarëve.”-tha Gazment Bardhi.