Greva që po zhvillojnë fermerët grekë në zonën e Janinës po sjell probleme përsa i përket lëvizjes së automjeteve në drejtim të doganës së Kakavijës. Aktualisht rruga kombëtare Kallpaq-Janinë, që lidh doganën e Kakavijës me pjesën tjetër të Greqisë është e bllokuar nga fermerët protestues.
Sipas policisë greke deri në orën 22:00 të mbrëmjes së të shtunës rruga nacionale Kallpaq-Janinë do jetë e bllokuar për shkak të protestës që po zhvillohet.
Bëhet me dije se po lejohet vetëm qarkullimi për mjetet e vogla. Ndërsa mjetet e tonazhit të rëndë si kamionë dhe autobuzë, nuk do të lejohen të qarkullojnë në këtë hark kohor.