Ministri i Jashtëm kinez Wang Yi, gjatë një takimi me homologun e tij ukrainas në Konferencën e Sigurisë në Mynih, tha se vendi i tij nuk u shet armë vdekjeprurëse palëve në konflikt.
Ai ka shtuar se Pekini nuk i hedh “benzinë zjarrit” dhe do të vazhdojë të luajë një rol konstruktiv në përfundimin e luftës Rusi-Ukrainë.
Kina pretendon paanshmëri në luftë, por ka refuzuar të dënojë pushtimin e paligjshëm të Moskës dhe ka vepruar si një mjet shpëtimi gjithnjë e më kritik për ekonominë ruse të goditur nga sanksionet.
Pavarësisht lidhjeve të tij të ngushta me Moskën, Pekini është përpjekur gjithashtu të promovojë veten si ndërmjetësues të paqes në konflikt.
“Kina kurrë nuk ka hequr dorë nga promovimi i paqes ose nuk ka zbehur përpjekjet e saj për të lehtësuar bisedimet”, tha Wang Yi.