Kreu i grupit parlamentar i PD-së, Gazment Bardhi në përfundim të seancës plenare komentoi heqjen e amnistisë penale nga rendi i ditës, me kërkesë të PS, pasi nuk u arrit konsensusi me opozitën. Bardhi tha se PS u tërhoq pasi nuk arriti dot pazarin, ndërsa hodhi sërish akuza se duan të amnistojnë ministra e kryetarë bashkish të korruptuar. Një koment e pati edhe për miratimin e marrëveshjes me Italinë për emigrantët, duke thënë se ishte një ligj i turpshëm.
”Besoj e patë sot, në rendin e ditës nuk kishte asgjë të mirë për qytetarët. Parlamenti është shndërruar në një funksion të një grupi njerëzish. E tërhoqën ligjin e amnistiës e nuk arritën pazaret e tyre. Nga një ligj ku do të duhet të përfitonin qytetarët e zakonshëm, e shndërrruar në një ligj për të amnistuar ministra e drejtorë. Tentuan të mashtronin opinionin publik. Çështja u sqarua, ata u tërhqoën nga projektligji. Në një procedurë të tillë nuk mund të ketë votën e një opozitari. Ligji i dytë ishte ligji i emigrantëve në Shqipëri, kjo marrëveshje tejkalon pritshmëritë e qytetarëve shqiptarë, dëmton interesin publik dhe cenon sigurinë kombëtare. Së treti, ligji për zonat e mbrojtura, ku planifikohet të vidhet dhe të nxirret në treg pasuritë kombëtare të shqiptarëve”.
Lexo edhe :
Related Posts
Gazetarët: Po votat e PDIU-së për marrëveshjen me Italinë?
Bardhi: Komunikimi ynë me Idrizin është i përditshëm, ne jemi shumë miq, zonja Doda ka dhënë shpjegimin e saj, nuk kam asgjë për të shtuar. Mund të marrë vendime të caktuara për të mbështetur apo jo një projektligj.
Nga ana tjetër, Lulzim Basha nuk i bashkoi votat me mazhorancën, kjo nuk ka thyer akullin me pjesën tjetër të PD. “Ishte sot në Kuvend? Jo. Nuk e besoj teorinë e gjumit. Pyesni Bashën pse mungoi sot”, u shpreh ai.