Mëngjesin e sotëm një makinë ka shpërthyer në Shkodër. Mjeti që ishte i parkuar pranë teatrit ‘Migjeni’, është hedhur molotov. Shpërthimi ka ndodhur rreth orës 04:20. Policia ka rrethuar menjëherë zonën, ndërsa molotovi i është hedhur një makine tip ”Audi”, e cila pas shpërthimit ka pësuar dëme të shumta.
Makina është në pronësi të një pronari lokali në afërsi. Në pamjet e kamerave shfaqet autori, i maskuar, që afrohet dhe i vë flakën një shisheje me benzinë në formë molotovi, e hedh dhe largohet, por më pas makina edhe ka shpërthyer.
Shkak dyshohet ndonjë konflikt çasti që mund të ketë ndodhur mes pronarit të makinës dhe personave të tjerë. Megjithatë pronari nuk ka dhënë shumë detaje për hetuesit për persona të veçantë.
Deri më tani nuk ka asnjë gjurmë të autorit, ndërsa policia do këqyre edhe kamerat e sigurisë në zonë që mund të ndihmojnë në identifikimin dhe kapjen e tyre, pasi mjeti ka qenë i parkuar në një zonë të frekuentuar të qytetit të Shkodrës, ku shumë biznese janë të pajisura me kamera sigurie.