19-vjeçarja Hygerta Meta është arrestuar nga Policia e Durrësit, dhe dyshohet se ka vrarë babanë e saj Pëllumb Meta, të cilin më pas e ka varrosur në kasollen e lopës. Policia ka shumë pikëpyetje për të vërtetën e kësaj ngjarje, pasi arma e krimit ende nuk është gjetur. Dyshimet janë se mund të ketë edhe persona të tjerë të implikuar në krim, kjo duke u nisur nga dinamika e ngjarjes e cila ende ka pika të dyshimta. Të dyshuar janë nëna e saj dhe dy vëllezërit.
Pëllumb Meta punonte roje në tregun e makinave, ndërsa vajza ishte studente në Universitet. Hetimet për gjetjen e 50-vjeçarit kanë nisur pasi kallëzimit të djalit se babai ishte larguar nga shtëpia dhe nuk ishte kthyer policia u vu në lëvizje.
Lexo edhe :
Related Posts
Vrasja ka ndodhur më 13 shkurt, gjatë hetimeve agjentët gjetën makinën e tij në sektorin Rinia të braktisur. Këtu nisën dhe dyshimet e para për fatin e burrit. Vajza ka thënë se ka qenë ajo që e ka çuar makinën e babait në sektorin Rinia.
Disa familjarë janë marrë në pyetje, deri kur vajza ka pranuar autorësinë e krimit. Ajo ka deklaruar se e ka vrarë të atin, e kishte lidhur, mbështjellë me batanije dhe varrosur te kasollja e lopës. Familja përbëhet nga 2 prindërit, 4 fëmijë prej të cilëve 2 djem dhe 2 vajza. Njëra vajzë e martuar.