Vrasja e 50-vjeçarit nga vajza e tij, dhe më pas groposja e trupit të pajetë ka tronditur opinionin publik. Një prej të afërmve të familjes Meta në Shënvlash të Durrësit, tha se Hygerta Meta nuk mund ta ketë bërë krejt e vetme krimin.
“Nuk besoj se e ka bërë vetëm”, thënë një prej familjarëve të viktimës, i cili nuk dha më shumë detaje për shkak të situatës së rënduar. Kurse krushku i familjes Meta, tha se 19-vjeçarja nuk mund të vriste dot një pulë dhe jo më babanë e saj.
Lexo edhe :
Related Posts
“Kam mbetur i shokuar për ngjarjen. Ishin një familje model. Ai punonte si roje te pazari i makinave. Hygerta është një engjëll, nuk mund ta vriste dot babain e saj. Ajo nuk vriste dot një pulë, jo më babain e saj”, tha ai.
19-vjeçarja Hygerta Meta është studente e Fakultetit Ekonomik në Tiranë. Dyshohet se ajo e ka ekzekutuar me pistoletë të atin dhe më pas e ka varrosur në kasollen e bagëtive, pasi ai donte ta fejonte pa dëshirën e saj. Janë ende të paqarta detajet se si ka ndodhur dinamika e ngjarjes dhe nëse ajo është ndihmuar nga nëna dhe vëllezërit e saj, të cilët janë vënë nën hetim.