Një autobus i linjës Durrës-Itali është përfshirë në një aksident mëngjesin e sotëm në Ulqin të Malit të Zi.
Autobusi ka qenë në kthim nga Italia drejt Shqipërisë me destinacion përfundimtar Durrësin.
Siç raportojnë pasagjerët e këtij autobusi, shoferi humbi kontrollin mbi mjetin, dyshohet për shkak të përgjumjes nga lodhja, duke bërë që autobusi të dilte nga rruga, siç duket edhe në pamjet e siguruara nga tvklan.al.
Fatmirësisht nuk ka pësuar lëndime asnjë prej 10 pasagjerëve udhëtarë, ndërsa ka vetëm dëme materiale. Pasagjerët, të gjithë shqiptarë, do të transportohen në Shqipëri me një tjetër autobus të linjës.