Mazhoranca është e gatshme të lëshojë pe për amendamentin e shtuar prej tyre në Amnistinë Penale, që parashikon se edhe personat e dënuar nga GJKKO mund të përfitojnë ulje dënimi nga 1 deri në 1.5 vite burg.
Ministri i Drejtësisë, Ulsi Manja la të kuptohej se terreni është i hapur për diskutime me opozitën dhe se PS mund të tërhiqet nga amendamenti i shtuar në projektligj.
Lexo edhe :
“A jemi të gatshëm ne që sigurisht të ulemi për këtë amendamentin. Po patjetër të ulemi. Nëse qenka hataja pse do përfitojë 1 vit ulje dënimi le të themi 3 ish-punonjës policie të dënuar për shpërdorim detyrë në Kukës, patjetër tërhiqemi ne s’është problem. Qëllimi ynë është të miratohet kjo amnisti, për arsyet që thashë, pse jo edhe për shkak të një mbipopullimi që kemi. Amnisti kur është arritur qëllimi i dënimit, pse jo Parlamenti duhet të ketë çdo vit”, tha Manja.