Një ditë pasi Llo Lluka qëlloi me disa Plumba 40-vjeçarin Emiliano Pine në Korçë dhe më pas veten, dalin pamjet e marra nga kamerat e sigurisë.
Në viden e cila është siguruar nga Tirana News, shihet qartë e gjithë skena e krimit.
Autori afrohet i qetë shumë pranë viktimës, ic ili në ato momente ishte në troturar teksa po hynte në një lokal.
Nga pamjet duket se Llo Lluka ka qëlluar të paktën katër herë mbi viktimën, më pas pa lëvizur nga vendi ai ka qëlluar veten në kokë duke gjetur vdekjen në vend.
Skena tregon se ngjarja ishte e parapërgatitur dhe gjithçka ishte e studiuar më së miri.
Lluka jetonte në Greqi dhe sipas të gjitha dyshimeve dhe dëshmive të personave që e kanë njohur shkak ka qenë një pronë, konkretisht një banesë.
Nëna e viktimës, sipas dëshmive, shërbente tek babai i 60-vjeçarit, i cili kishte nevojë për ndihmë.
Por duket që autori i cili vrau veten nuk e ka pritur mirë vendimin e babait, i cili kishte vendosur që banesën tia linte në pronësi djalit të gruas që i bënte shërbim.