Motra e Pëllumb Metës, ka folur në lidhje me vrasjen e të vëllait, ngjarje e cila tronditi opinionin edhe në lidhje me përfshirjen e tre fëmijëve të tij në krim dhe faktin që ende nuk është zbardhur e plotë dinamika e ngjarjes. Ajo thotë se i vëllai ka qenë një njeri familjar që punonte shumë për të siguruar jetesën për familjen.
“U hodh baltë me të padrejtë mbi familjen dhe vëllanë tim. Mostra dhe familjarët e saj (Blerina) nuk mund të hedhë baltë mbi të. Vëllai im ka qenë punëtor, i urtë, i sjellshëm, familjar ne maksimum. Nuk mund të jesh baba i mirë vetëm kur je 24 orë me fëmijët, sepse dikush duket të punonte. Blerina ka pasur në dorë të gjithë kohën e mundshme për t’i kthyer nga vetja fëmijët.
Ka qenë ajo që i rriti sepse vëllai im ka punuar ditë e natë që t’i siguronte jetesën. Ai kishte parë botë me sy, kishte emigruar që me eksodin e parë dhe u kthye vetëm kur na ndërroi jetë nëna. Me Blerinën janë njohur me shkuesi. Ajo i dha fëmijëve shkollën e krimit.
Blerina ishte e ftohtë me ne. Nuk kishim pasur debate, e vetmja ka qenë në kohë të hershme një kërkesë që fëmijët të rrinin me fëmijët e vëllait tjetër. Kjo e shqetësonte nënën time. Nëna me tha ‘Po më plas shpirti’ që nuk i lë fëmijët të luajnë bashkë. Ia thash Blerina e cila më tha shih punët e tua e mos fut hundët tek familja”, tha ajo