I ftuari i radhës në “Vendi Im” me Edlira Prendin është kreu i bashkisë së Vaut të Dejës, Kristian Shkreli, ku u fol për prioritetet e bashkisë në këtë mandat të parë dhe gjithashtu për mundësitë dhe vlerat që Vau i Dejës ka për zhvillimin e turizmit, bashkë me 6 Njësitë Administrative. ”Disa nga prioritetet tona nisin nga bujqësia, sepse si bashki dhe territor kemi një zonë shumë të madhe bujqësore, dhe ne po punojmë me kanalet vaditëse, me kanalet kulluese dhe jemi 24 orë non-stop në këtë punë dhe shpresojmë që të bëjmë më shumë”.
Nga ana tjetër, i pyetur sesi mund të sigurojë jetesën një banor në këtë bashki, kryetari Shkreli u shpreh se ”Ne kemi një zonë industriale, e cila është një Njësinë e Bushatit, ku ka shumë biznese, dhe ne si bashki jemi munduar që ti ndihmojnë me sistemin fiskal”. Duke prekur infrastrukturën, kryetari pohoi se është një nga problemet më kryesore dhe që duhet të punohet më shumë, në mënyrë që edhe turizmi të rritet në këto zona që janë magjike nga vetë natyra. ”Ne kemi disa zona shumë të bukura turistike, siç është Komani, liqeni i Vaut të Dejës, lumi i Shalës, por që rrugët të lënë shumë për të dëshiruar”.
Lexo edhe :
Related Posts
Brenda në qytetet ndodhet edhe katedralja, e cila është e para në botë e ndërtuar në nder të Nënë Terezës. ”Më shumë turistët janë të huaj, dhe vijnë shumë polakë, çekë, dhe tashmë kanë filluar që të vijnë edhe francezë. Duke filluar nga liqeni, nga katedralja, por kemi edhe kishën që ka vënë kurorë Gjergj Kastrioti, por që sistemi në 1976 u prish, por që është pasqyruar në 10 mijë lekshin e ri që kemi”.
Ku është rinia në këtë qytet? Pasi siç shihet edhe në video, pedonalja është pothuajse bosh, me pak njerëz që lëvizin, dhe fare pak të rinj. ”Ka lëvizje të rinisë që kanë ikur, por ne jemi munduar që të ofrojmë punë për të rinjtë, sepse kemi nevojë për krah pune. Nga 400 punonjës që ka bashkia, 70% janë të rinj”.
Për më tepër, ndiqni intervistën e plotë!