159 gra dhe vajza janë vrarë që prej vitit 2010 e deri më tani në vendin tonë. Avokatja e Popullit, Erinda Ballanca tha se vetëm për vitin 2023 rezultojnë 12 gra dhe vajza të vrara, ku 10 prej tyre brenda marrëdhënieve në familje dhe dy nga persona të tjerë, ndërsa pesë raste mbetën në tentativë.
“Fatkeqësisht vrasja e grave dhe vajzave është forma më ekstreme e dhunës. Vetëm për vitin 2023 rezultojnë 12 gra dhe vajza të vrara, ku 10 prej tyre brenda marrëdhënieve në familje dhe 2 nga persona të tjerë, ndërsa 5 raste mbetën në tentativë. Ndryshimi në thelb do vije kur ne të edukojmë djem dhe vajza”, tha Ballanca.
Lexo edhe :
Related Posts
Kurse ministri i Brendshëm, Taulant Balla nënvizoi ndër të tjera se pjesa më e madhe e grave dhe vajzave që janë objekt i dhunës, kanë problem stigmën. “Më lini të uroj të gjitha gratë dhe vajzat. 8 Marsi duhet të jetë një ditë proteste dhe një ditë ndërgjegjësimi. Jemi në kushtet ku mendoj se ky duhet të jetë një debat i përditshëm duke ju referuar shifrave.
Po ndaj shqetësimin se kemi një fenomen feminicidi shqetësues. Gjatë 2023 kemi 12 jetë grash dhe vajzash të humbura. Mendoj se policia e shtetit kemi një bashkëpunim shumë të mirë me Prokurorinë e Përgjithshme por na duhet të kalojmë në një nivel tjetër reagimi ndaj të gjitha rasteve. Një protokoll i ri i marrëdhënies me viktimën e dhunës. Mos harroni se pjesa më e madhe e grave dhe vajzave që janë objekt i dhunës, kanë problem stigmën”, ministri Balla.