Gaz Paja është një ndër aktorët më të njohur të humorit në vendin tonë i cili prej vitesh e ka bërë publikun të qeshë me batutat e tij dhe me rolet e shumta humoristike. Prej disa kohësh, Gazi ka pohuar se po shijon një histori dashurie me një vajzë bjonde, shkruan intv.
Fillimisht e mbajti shumë hermetike romancën e tij, por pak muaj më parë aktori bëri një deklaratë të ëmbël për partneren, duke e cilësuar atë si “e bukura e dheut”. Më pas u zbuluan detaje për bukuroshen dhe u mësua se quhet Ira Seferi e ata nuk i kursyen fotot publike bashkë.
Mirëpo siç duket aktori dhe partnerja e tij paskan vendosur ta çojnë lidhjen në një tjetër nivel pasi sipas news31.al Gazi do t’i japë fund beqarisë këtë verë teksa po bëhet gati për një dasmë të madhe.
Pasi këtij lajmi Iconstyle.al kontaktoi personalisht me Gazin, por aktori preferoi të mos japë detaje rreth këtij lajmi.
“Jeta ime private është e shenjtë dhe preferoj të mos flas rreth kësaj teme”, u shpreh Gazi.
Urime Gazi, deri atëherë s’na mbetet gjë tjetër veçse të presim!