Shenja në pistoletë, djali i vogël i Pëllumbit: Nuk e vrava unë babin, ndihmova të fshehin makinën

Vrasja e Pëllumbit dhe groposja e tij vijon që të mos zbardhet e plotë si ngjarje. Amarildo Meta, djali i vogël i familjes që vranë babanë në Shënavlash të Durrësit, ka mohuar para hetuesve të jetë ai autori i vrasjes, i pyetur pas daljes së akt-ekspertizës balistike të armës ku u gjetën shenjat e tij të gishtave. Ai ka pretenduar se nuk e ka prekur pistoletën dhe nuk ka qëlluar vetë të atin. Sipas tij, ai ka qenë në servis kur e motra Hygerta ka vrarë babanë dhe ngjarjen e ka marrë vesh pasi u kthye në shtëpi. Amarildo deklaron se për ngjarjen e rëndë vetëm ka ndihmuar të vëllanë Hysenin për të fshehur makinën.