Shtëpia e ”Big Brother Albania Vip 3” është vendi ku emocionet janë të larta. Një nga diskutimet e fundit mes banorëve, Meritoni këshillonte Heidin që të mos merrte gjërat vetëm personalisht dhe të mendonte për lojën. Teksa Meritoni këshillonte Heidin në dhomën e gjumit, ai theksoi rëndësinë e qëndrimit të ftohtë dhe të sinqertë në lojë, por biseda tyre u ndërpre papritur kur ai u thirr në dhomën e rrëfimit.
Momenti i ndërprerjes ishte gjithçka që i duhej Romesos për të filluar një sërë ofendimesh ndaj Meritonit. “Ik or ik se i lodhe njerëzit, të morën në dhomën e rrëfimit, po ik”, bërtiste ai, duke e quajtur Meritonin “një mushkë”.
Heidi, nga ana e saj, dukej se pranonte këshillat e Meritonit, duke u shprehur se ajo është e ftohtë dhe e sinqertë në atë pjesë të lojës. Por situata u tensionua kur Meritoni dhe Romeo filluan të ndërronin fjalë të ashpra. “O dallëndyshe,” thirri Meritoni. “O mendjemadh! Ik o gomar. Ti je mushkë as gomar nuk je”, u përgjigj ashpër Romeo.
Këto përplasje në shtëpinë e “Big Brother VIP Albania” janë shembuj të qartë të presionit dhe stresit të vetë spektaklit.