Ka edhe nga ata studentëve të cilët për arsye të ndryshme janë të përfshirë në procesin e shitblerjeve të temave të diplomave në të gjitha nivelet e studimit duke e kthyer këtë fenomen në biznes.
Ish -studentja e Ekonomikut rrëfen për “Jetë Shqiptare” historinë e saj gjatë përgatitjes së temës së diplomës e cila në pamundësi të kohës dhe për faktin se ishte e punësuar nuk mundej ta bënte vetë, duke kërkuar në treg persona që merren me këtë punë kundrejt një pagese.Lidhur me këtë treg, ajo thotë se “tregu i blerjes së diplomave është shumë i thjeshtë dhe i gjendshëm në shoqërinë tonë”. “Mirëpo punimet lënë për të dëshiruar” shton studentja pasi ka nga ato që vetëm përkthehen, dhe nuk realizohen në terren sipas kërkesës, pra vetëplotësohen nga personi që i merr përsipër duke i lënë vend punimit për ndërhyrje.”Për diplomën të nivelit master kam paguar rreth 20 mijë lëkë të reja. Punimi i diplomës është dorëzuar pa punim powerpoint, vetëm është bërë punimi. Ndoshta nuk gjeta njerëzit e duhur, duhej ripunuar pasi kishte nevojë edhe për rregullime dhe Powerpointi është bërë vetë. . Janë studentë ata të cilën punojnë tema diplome dhe duan të përfitojnë dhe duke qenë se ka edhe të tjerë si unë që duan ta bëjnë diplomën gati pasi nuk kanë as kohë dhe mundësi ta bëjnë vetë.Rasti i shoqes sime ishte një punim thjesht i përkthyer nga anglishtja dhe jo një punim i bërë nga fillimi.Kisha për të bërë ca anketa, kisha bërë ca por më duheshin edhe të tjera dhe të gjitha përgjigjet e anketave ishin bërë nga personi, pra nuk nxirrnin asnjë rezultat me realitetin. Mu desh të bëja anketa të tjera që të arrija në konkluzion”, tregon ajo..Por a dallohet nga pedagogët kur një temë është e blerë? Studentja thotë “jo pasi nuk ka asnjë sistem për kontroll për plegjiaturë të paktën jo në kohën kur unë u diplomova” ndërsa thotë si rezultat punimi i diplomës u vlerësua me notën 9.