Kryemadhi ka paralajmëruar kryeministrin Edi Rama. Ajo shprehet se qytetarët do ta rrëzojnë atë. Sipas saj, Rama është një kriminel që ka diplomatët në dispozicion, të cilët shantazhojnë gazetarët për të mos shkruajtur kundër qeverisë.
Monika Kryemadhi ka folur mbrëmjen e sotme në studion e emisionit “Të paekspozuarit”, ku ka hedhur akuza të forta ndaj kryeministrit Edi Rama dhe diplomatëve shqiptarë nëpër botë.
Sipas saj, Edi Rama nuk është qesharak siç mund të thuhet, por i rrezikshëm, ndërsa paralajmëroi se opozita është e vendosur deri në largimin e kryeministrit.
“Rama nuk është qesharak, por është i rrezikshëm për Shqiptarët. Këtë fakt i përpiqet ta mbulojë me shfaqjen si qesharak.
Nuk ka teatër nga opozita sepse ka ndjekur mandatet. Më 16 shkurt kam thënë unë, se njerëzit do të dalin në protestë dhe kam thënë: “O ai o ne””, – tha ndër të tjera Kryemadhi.
“Kam prova të presionit të diplomatëve shqiptarë në Austri, Francë e shumë vende të tjera. Nëse del Edi Rama dhe thotë që kjo është e vërtetë dhe nxjerr prova, unë do i nxjerr faktet për këtë që them”, – tha Kryemadhi.