VIDEO/ Nis seanca normale në Parlament pas 5 muajsh, Basha dhe Bardhi shihen krah njëri-tjetrit

Pas pesë muajsh kaos dhe shumë tensione dhe trazira, Kuvendi i Shqipërisë i është rikthyer normalitetit. Lulzim Basha dhe Gazment Bardhi janë të ulur pranë njëri-tjetrit. Pas arritjes së një marrëveshjeje mes mazhorancës dhe opozitës, në rend të ditës sot është përfshirë ngritja e dy komisioneve hetimore, komisionit hetimor për Shërbimin Publik të Sterilizimit dhe Shërbimin Publik të Check-Up në Shëndetësi dhe komisioni për Trajtimin e të Dhënave të Sistemit TIMS. Seanca e sotme do të ndiqet nga studentë, nxënës dhe ambasadorë të huaj në vend.