Pjesë e ”Big Brother Albania Vip 3”, është edhe aktorja Egla Ceno, e cila është një nga personazhet më të komentuar. Ajo ka rrëfyer se ka patur ngacmime seksuale nga një personazh që është pjesë e medias, teksa ka kërkuar punë në Top Albania Radio rreth 25 vite më parë. Këtë bisedë, Egla e ka vazhduar me Julian duke ndarë eksperiencat e tyre dhe nuk ka ngurruar të nxjerrë emrin e Saimir Kodrës.
Pas saj, Saimir Kodra ka bërë një reagim në emisionin “Stop”, ku ka thënë se do të çojë këtë çështje në Gjykatë dhe Egla të vendoset para provave.
E teksa rrjeti po zien për deklaratën e Eglës, ndërsa Kodra kërkon prova prej saj, një koment i bujshëm ka ardhur nga një ish-punonjëse e Top Channel. Bëhet fjalë për grimieren Eni Lena, e cila në një video-live në Instagram, ka thënë:
“Unë i bashkohem Eglës si dëshmitare”!
