Këtë të hënë në Apelin e GJKKO-së, seanca gjyqësore për ish-kryeministrin Sali Berisha, i cili kërkon që të marrë pjesë në seancat plenare në Kuvend, pasi ndodhet në arrest shtëpie për shkak të privatizimit të klubit Partizani.
Më herët kërkesa e Berishës për të marrë pjesë në seancat plenare në Kuvend ishte refuzuar nga SPAK dhe Gjykata e Shkallës së Parë. Tashmë pritet të japë vendim Apeli i GJKKO për kërkesën e Berishës të bërë përmes avokatëve Genc Gjokutaj dhe Sokol Mëngjesi.
Prej 30 dhjetorit 2023 Sali Berisha ndodhet në arrest shtëpie, masë e caktuar nga Gjykata e Posaçme, pas kërkesës së SPAK.