Vrasja e 12-vjeçares Asunta Basterra, tashmë do të jetë edhe në një serial televiziv në Netflix. Ky rast konkret ka ndodhur në vitin 2013 dhe konsiderohet si një nga më tronditëset e regjistruara në Spanjë. E lindur në Fang Yong në vitin 2000 në Kinë, Asunta u birësua në moshën nëntë muajshe nga Alfonso Basterra Camporro dhe Maria del Rosario Porto Ortega, një çift i pasur nga Spanja. E përshkruar si një fëmijë i talentuar.
Mjeku ligjor përcaktoi se ajo vdiq nga asfiksia dhe i ishte dhënë të paktën 27 pilula Lorazepam. Prindërit birësues, Alfonso Basterra dhe Rosario Porto u shpallën fajtorë për vrasjen e saj më 30 tetor 2015. Sipas dokumenteve të gjykatës, çifti e drogoi në mënyrë periodike vajzën e tyre me Lorazepam për tre muaj dhe më në fund e asfiksoi. ata u dënuan me tetëmbëdhjetë vjet burg.
Rasti ka tërhequr një interes të gjerë mediatik në Spanjë dhe në mbarë botën, si dhe një “deklaratë shqetësimi” nga Ministria e Punëve të Jashtme kineze. Një seri dokumentare me katër pjesë rreth çështjes debutoi në vitin 2017 dhe u vu në dispozicion ndërkombëtarisht në Netflix në 2019.
Seriali rrëqethës tregon të gjitha momentet më të rëndësishme të rastit, duke përfshirë kur Asunta raportohet e zhdukur dhe kur hetuesit fillojnë të dyshojnë për çiftin. Përdoruesit e mediave sociale e kanë lavdëruar trailerin, duke thënë “nuk mund të dallosh nëse po aktrojnë apo njerëzit e vërtetë” dhe “kështu është bërë, bravo Netflix”. Historia tashmë ka qenë subjekt i një dokumentari me katër pjesë të titulluar, El Caso Asunta: Operación Nenufar, ende i disponueshëm në Netflix.